პარკირების ჯარიმები თბილისში: რა უნდა ვიცოდეთ?

საქართველოში, ისევე როგორც სხვა ქვეყნებში, პარკირების წესების დაცვა აუცილებელია, პირველ რიგში, უსაფრთხოებისთვის - ჯარიმებისა და არასასურველი შედეგების თავიდან ასაცილებლად. 

ამ ბლოგში განვიხილავთ პარკირების წესების დარღვევის შემთხვევაში გათვალისწინებულ ჯარიმებს, მანქანის ჩამორთმევის შემთხვევებს, ჯარიმის გადახდის პროცედურებსა და იმ შედეგებს, რომელიც შეიძლება, ჯარიმის გადაუხდელობას მოჰყვეს.

რამდენია პარკირების ჯარიმა?

დარღვევის სახე	ჯარიმა
საფასურის გადაუხდელად პარკირება	50₾
გზის სავალ ნაწილზე / არასწორი პარკირება	50₾
ტრანსპორტის გზაზე მიტოვება	100₾
ელ. ავტომობილის დამუხტვის ადგილას	100₾
შშმ პირის ადგილას	100₾
გადაუხდელობის საურავი	200₾

პარკირების წესების დარღვევა და გათვალისწინებული ჯარიმები

საქართველოს კანონმდებლობა პარკირების სხვადასხვა წესს განსაზღვრავს, რომლის დარღვევის შემთხვევაშიც, ჯარიმა გარდაუვალია. მაგალითად, არასწორი პარკირება, პარკირების ნიშნის უგულებელყოფა, პარკირების საფასურის გადაუხდელობა, ავტომატურად, ფინანსურ სანქციას ნიშნავს. 

ამ წესების დეტალური ჩამონათვალი შეგიძლიათ, მუნიციპალური სერვისების გამვითარების სააგენტოს ვებგვერდზე ნახოთ.

რა შემთხვევაში ითვალისწინებს სანქცია მანქანის ჩამორთმევას?

ზოგიერთ შემთხვევაში, პარკირების წესების დარღვევა შეიძლება უფრო მკაცრი სანქციით განისაზღვროს და მფლობელისთვის ავტომობილის დროებით ჩამორთმევაში ითარგმნოს. ეს შეიძლება მოხდეს, თუ მანქანა პარკირებულია ისეთ ადგილას, რომელიც ხელს უშლის უსაფრთხო მოძრაობას ან საზოგადოებრივი ტრანსპორტის გადაადგილებას. ასეთ შემთხვევებში, სამართალდამცავი ორგანოები უფლებამოსილნი არიან ავტომობილი სპეციალურ საჯარიმო სადგომზე გადაიყვანონ.

როგორ ვიხდით პარკირების ჯარიმას?

პარკირების საფასურისა და ჯარიმის, ასევე, ტრანსპორტის საჯარიმო ავტოსადგომზე ტრანსპორტირების და სადგომზე შენახვის საფასურის გადახდა შესაძლებელია:

• ვებგვერდის საშუალებით;
• სწრაფი გადახდის აპარატის საშუალებით;
• ნებისმიერი საბანკო დაწესებულებიდან. 

გზის სავალ ნაწილზე პარკირების წესების დარღვევისთვის მძღოლი ან ავტოტრანსპორტის მესაკუთრე ჯარიმდება 10 ლარის ოდენობით;

ამკრძალავი ნიშნის „გაჩერება აკრძალულია“ ან „დგომა აკრძალულია“ მოთხოვნის დაუცველობისას მძღოლი ან ავტოტრანსპორტის მესაკუთრე ჯარიმდება 10 ლარის ოდენობით;

სპეციალურ დაცულ სადგომზე ავტოსატრანსპორტო საშუალების გადაყვანის ხარჯები შეადგენს 150 ლარს. 

რა მოხდება, თუ ჯარიმას არ გადავიხდით?

ჯარიმის გადაუხდელობა, როგორც წესი, დამატებით სანქციებს უდრის, მათ შორის:

• დამატებითი ფინანსური ჯარიმები: დაგვიანების გამო;
• სასამართლო წარმოება: გადაუხდელობის შემთხვევაში საქმე შეიძლება გადაეცეს სასამართლოს;
• სხვა სამართლებრივი ზომები: როგორიცაა ქონების დაყადაღება ან ანგარიშების დაბლოკვა.

ამიტომ, მნიშვნელოვანია ჯარიმების დროულად გადახდა, რათა თავიდან აიცილოთ დამატებითი პრობლემები. თუ გსურთ, რომ დამატებითი ფინანსური ხარჯის დასაფარად თანხა მიიღოთ, თანაც ისე, რომ ავტომობილი თქვენს მართვასა და მფლობელობაში დარჩეს, შეგიძლიათ მოგოს უკულიზინგით ისარგებლოთ.

დასკვნა

პარკირების წესების დაცვა არა მხოლოდ საკანონმდებლო მოთხოვნაა, არამედ უზრუნველყოფს მოძრაობის უსაფრთხოებასა და კომფორტს. დარღვევების თავიდან აცილება დაგეხმარებათ ფინანსური დანახარჯების შემცირებასა თუ სამართლებრივი პრობლემების თავიდან აცილებაში.

ხშირად დასმული კითხვები

რამდენი დღე მაქვს პარკირების ჯარიმის გადასახდელად?

პარკირების ჯარიმის გადახდის ვადა 30 კალენდარული დღეა; ვადის გადაცილებისას ერიცხება საურავი.

შეიძლება პარკირების ჯარიმის გასაჩივრება?

დიახ — ჯარიმის გასაჩივრება შესაძლებელია მუნიციპალურ სამსახურში, ჩვეულებრივ 15 კალენდარული დღის ვადაში.

სად ჩანს ჩემი პარკირების ჯარიმა?

ჯარიმის ნახვა შეგიძლია parking.tbilisi.gov.ge-ზე სახელმწიფო ნომრის შეყვანით, ან საგადახდო აპლიკაციებში (TBC Pay, BOG Pay, Pay.ge).