ავტომობილების ლოგოების კონცეპტუალური მნიშვნელობა

ლოგო (Logo) გრაფიკული სიმბოლო, ემბლემა ან სტილიზებული ტექსტია, რომელიც ბრენდის, კომპანიის, ორგანიზაციისა თუ პროდუქტის იდენტობას წარმოადგენს. ლოგოს ძირითადი მახასიათებლებია: უნიკალურობა, სიმარტივე, მრავალფუნქციურობა, შინაარსიანობა – უნდა ასახავდეს ბრენდის იდეას, ღირებულებებს, მთავარ გზავნილს.

ასეთივე ახსნა აქვს, უშუალოდ, ავტომობილის ლოგოსაც, რაც არა მხოლოდ ბრენდის იდენტობის ნაწილია, არამედ ვიზუალურად იტევს მის ისტორიას, ტრადიციასა თუ ფილოსოფიას.

განვიხილოთ 25 ცნობილი ავტომობილი ლოგო და მათი მნიშვნელობა.

რას ნიშნავს 25 ცნობილი ავტომობილის ვიზუალური იდენტობა?

ALFA ROMEO

ალფა რომეოს ლოგო იტალიური ისტორიისა და მილანის სიმბოლოებს აერთიანებს. დრაკონის გამოსახულება მილანის ჰერცოგის ოჯახს უკავშირდება, ხოლო ჯვარი ქალაქის სიმბოლოა. უფრო ზუსტად, ლოგოს მარცხნივ ქალაქ მილანის ლოგო მოთავსდა, მარჯვნივ კი დრაკონია, რომელიც ადამიანს ჭამს. ლოგოს ამ ნაწლს ორიგინალური ისტორია აქვს: მილანელ ოტონე ვისკონტის, სარკინოზთა რაინდთან უბრძოლია, მისი მსხვერპლის ფარი და მასზე გამოსახული სიმბოლოები კი, მილანში წამოუღია.

ლოგოს ამ ნაწილს „ალფა რომეოსეული“ სხვაგვარი განმატებაც ვიცით: ადამიანი თავს აღწევს მხეცის ხახას და იბადება, როგორც ახალი, განწმენდილი. 

Bentley

ბენტლის ლოგოზე გამოსახულია ფრთიანი ასო „B“. 1930-იან წლებში როლს-როისის მფლობელობაში ბენტლის ლოგოს ფრთები „გასწორდა“ და თანაბარი რაოდენობის ბუმბული მიეცა ორივე მხრიდან. ლოგოს ასიმეტრია აღდგენილია 1990 წელს და კვლავ ახლდება მუდმივად, რათა უზრუნველყოს ბენტლის ვინაობის თანამედროვე შეგრძნება. ბენტლის ლოგო განასახიერებს ახალ ღირებულებებს და ასევე წარსულს სცემს პატივს.

AUDI

ცნობილი გერმანული ავტომობილების მწარმოებლის ოთხ წრეს უფრო ღრმა მნიშვნელობა აქვს, ვიდრე ეს ბევრს შეიძლება ეგონოს. 4-რგოლიანი მანქანის ლოგო ასახავს ოთხ კომპანიას, რომლებიც გაერთიანდნენ 1930-იან წლებში: Horsch, Audi, Wanderer და DKW, რომლებმაც შექმნეს “Auto Union” და მოგვიანებით, ახლად შექმნილმა კომპანიებმა მიიღეს ახალი სახელი – Audi. ამის შემდეგ ის მალე გახდა მსოფლიოს ერთ-ერთი ყველაზე მზარდი კომპანია ავტოისტორიაში.

დღესდღეობით ლოგო ზოგჯერ მხოლოდ სიმბოლოებით, ზოგჯერ კი ბრენდის სახელწოდებასთან ერთად ჩნდება. მისი დიზაინი მარტივია – 4 გადახლართული რგოლი.

Skoda

1926 წლიდან მოყოლებული, ავტომობილების წარმოება მლადა-ბოლესლავში, სახელწოდებით, „შკოდა“ დაიწყო. მიუხედავად სრულიად განსხვავებული სახელწოდებისა, ახალი დიზაინი თავის წინამორბედთან უწყვეტობაშია. ლოგოს ფორმა ოვალურია,დაფნის ფოთლებით შემოსაზღვრული ბრენდის სახელწოდება კი კვლავ ცენტრალურ ადგილასაა განთავსებული.

Hyundai

როგორც ლოგოს შემქმნელები განმარტავენ, მასში დამალული მნიშვნელობა ხაზს უსვამს კომპანიის თანამშრომლობას სხვადასხვა სახის ტიპის აუდიტორიასთან. ოფიციალური ვერსია - ემბლემა ასახავს ბრენდის წარმომადგენელს, რომელიც ხელს უშლის პოტენციურ მყიდველს.

ეს ლოგო მკაფიოდ ასახავს კომპანიის მთავარ მიზანს - მჭიდრო თანამშრომლობას მომხმარებლებთან. 

Mercedes

სამქიმიანი ვარსკვლავი აღნიშნავს კომპანიის დომინირებას ხმელეთზე, წყალსა და ჰაერში, თუმცა ეს ვარსკვლავი პირველად გამოჩნდა კომპანიის დამაარსებლის გოტლიბ დაიმლერის (Gottlieb Daimler) მიერ მეუღლისადმი მიწერილ წერილში.

ამ ვარსკვლავით ის აღნიშნავდა თავისი ახალი სახლის ადგილმდებარეობას გერმანულ ქალაქ დოიცში. ეს სიმბოლო კი, მისმა შვილებმა 1910 წელს, კომპანიის ლოგოტიპის შექმნისას გამოიყენეს.

BMW

BMW-ს ლოგო ბავარიის დროშას ასახავს, ასევე ავიაციის სფეროსთან დაკავშირებულ სიმბოლოს – ბრუნვად პროპელერს. გარკვეული პერიოდის განმავლობაში, ბევრს სჯეროდა, რომ BMW-ს ლოგოს თეთრი და ლურჯი ფორმები პროპელერს გამოხატავდა, თუმცა, რეალობა ის არის, რომ ლურჯი და თეთრი ფერები ბრენდის წარმოშობის კუთხეს, ბავარიას უკავშირდება. 

BMW-ს ემბლემის შიდა წრის მეოთხედი გამოსახულია ბავარიის სახელმწიფო ფერებში – თეთრი და ლურჯი, მაგრამ შებრუნებული თანმიმდევრობით, ვინაიდან კანონის მიხედვით, რომელიც სასაქონლო ნიშნებს აკონტროლებს, სახელმწიფო ფერების გამოყენება არ შეიძლებოდა.

Mitsubishi

ცნობილი, იაპონური მძიმე ავტომრეწველობის კომპანია მიცუბიშის ემბლება სამურაებისგან არის შთაგონებული. რაც შეეხება სახელწოდებას, მიცუბიში ნიშნავს: მიცუ -ფრენა, ბიში- ალმასი.

CITROEN

არსებობის 106 წლის განმავლობაში ფრანგულმა ავტომწარმოებელმა ბრენდში 10 ძირითადი ცვლილება განახორციელა. მიუხედავად იმისა, რომ თითოეული ვერსია განსხვავებულია, ყოველ მათგანს წინა პლანზე Citroën-ის პირველი ჰერინგბონის ტრანსმისიის სისტემა გამოაქვს.

უახლესი ვიზუალი წრეშია მოქცეული და ვერტიკალურ ოვალურ ჩარჩოს აღადგენს. თუმცა, თანამედროვე ნიუანსებისთვის, შევრონები ახლა უფრო გამოკვეთილია, ხოლო მარყუჟი — შერბილებული. ასევე, ბრენდმა მეტად დახვეწა ტიპოგრაფია, რათა სიმსუბუქის შეგრძნება მიენიჭებინა ლოგოსთვის.

Renault

„ჩვენი რომბი - ერთ-ერთი ყველაზე ცნობადი სიმბოლოა ავტომობილების სამყაროში. ეს არის მარტივი გეომეტრიული ფიგურა მკაფიო ინდივიდუალობით. ჩემ წინაშე იყო დავალება, გაგვეახლებინა ის, რითაც უნდა მიგვეცა მისთვის ახალი აზრი და თანამედროვე ღირებულებები, რომელი მიმართულებითაც განვითარებას ვაპირებთ“, - განაცხადეს კომპანიაში 2021 წელს. 

MASERATI

ბოლონიის ერთ-ერთი ყველაზე ცნობილი სიმბოლო არის შადრევანი, რომელიც ასახავს ნეპტუნს, ზღვების ღმერთს, მისი ხელწერად ქცეული სამკბილათი. Maserati-ს ლოგო სწორედ ამ ძლევამოსილი სიმბოლოსგანაა შთაგონებული, რომელიც წყალზე მბრძანებლობის სიმბოლოდ გვევლინება.

LAMBORGHINI

ლამბორგინის (Lamborghini) ლოგო მისი დამაარსებლის, ფერუჩო ლამბორგინის, ზოდიაქოს ნიშნის გამომსახველია, რომელიც 1916 წლის 28 აპრილს, ხარის ნიშნის ქვეშ არის დაბადებული. ამასთან, ფერუჩო კორიდის მოყვარულიც ყოფილა, სწორედ ამიტომ, ლოგოზე გამოსახულია გამძვინვარებული ხარი, რომელიც მზადაა, ყველა გაანადგუროს, ვინც კი გზაზე გადაუდგება.

LINCOLN

ერთ-ერთი თეორიის მიხედვით, Lincoln-ის ვარსკვლავი არის არა ციური სხეული, არამედ კომპასი, რომელიც მსოფლიოს ოთხ კუთხეს წარმოადგენს. ეს სიმბოლო ასახავს Lincoln-ის სურვილს, საკუთარი ავტომობილები მთელს მსოფლიოში გაავრცელოს.

PONTIAC

პონტიაკის ლოგოზე გამოსახული ისარი ამერიკელი ინდიელების მემკვიდრეობას ასახავდა, თუმცა 1956 წელს, ინდიელთა სახელისა და პროფილის დიზაინი ამოიღეს იმისათვის, რომ სწორება ახალგაზრდა მომხმარებლებზე გაეკეთებინათ, რომლებიც ეძებდნენ მძლავრ, ხელმისაწვდომ ავტომობილებს. სწორედ ამიტომ, ძველი ტიპის ინდიელთა პროფილი შეცვლეს უფრო ნაზი და ელეგანტური ემბლემით: ქვემოთ მიმართული წითელი ისრის თავით. 

MAYBACH

მაიბახის ლოგო ორი „M“-ის გაერთიანებაა, რაც „Maybach Motorenbau“-ს აღნიშნავს. Maybach 2000-იან წლებში Mercedes Benz-ის ერთ-ერთი ლუქს სტილის ავტომობილი გახდა. გარდა ამისა, ის სვასტიკის სიმბოლოს ასახავს, როგორც აღნიშნულია Dr. Rex Curry-ის შენიშვნაში.

ROVER

როვერის ლოგო ვიკინგთა გემს გამოსახავს, რაც მათი თავგადასავლების სიმბოლოა.

PORSCHE

პორშეს კომპანიის ლოგო წარმოიშვა 1918–1933 წლების ვაიმარის გერმანიის ვიურტემბერგის თავისუფალი ხალხური სახელმწიფოს გერბიდან, რომლის დედაქალაქი იყო შტუტგარტი და სწორედ ლოგოს შუაშია მოქცეული შტუტგარტის გერბიც.

FAW

FAW-ს ლოგო ფრინველის ფრთას წააგავს, რაც თავისუფლებასა და პროგრესს გამოხატავს.

PEUGEOT

2021 წელს, ფრანგულმა ავტომწარმოებელმა Peugeot-მ განახლებული ლოგო წარუდგინა საზოგადოებას. ეს მე-11 ცვლილება აღმოჩნდა ბრენდის მთავარ სიმბოლიკაში. ბრენდის ვიზუალური იდენტობის ცენტრალური ნაწილი კვლავაც ლომია, რომელიც ფარის შიგნითაა განთავსებული. თუმცა, განახლებულ ვერსიაში ლომის მხოლოდ თავია გამოსახული.

OPEL

2023 წელს, გერმანულმა ავტომწარმოებელმა Opel-მა განახლებული ლოგო - საკულტო „ელვისებური“ სახით წარადგინა. ახალი „ელვა“ შედგება ორი შეწყვეტილი ხაზისგან შეერთების ადგილზე. გარდა ამისა, მიიღო დაშორება მრგვალ კონტურზე, რომელშიც ის არის ჩასმული. ლოგო შესანიშნავად განასახიერებს Opel-ის პროგრესს ელექტრომობილებში.

DODGE

დოჯის ლოგო უხეში და მძლავრი დიზაინით გამოირჩევა, რაც კომპანიის მძლავრ ძრავებს ასახავს.

LIFAN

ლიფანის ლოგო სამი ტალღისგან შედგება, რაც კომპანიის განვითარების გზას აღნიშნავს.

FERRARI

ფერარის ლოგოზე გამოსახული აღმართული ცხენი კომპანიის დამფუძნებლის მიერ არჩეული სიმბოლოა, რომელიც გამარჯვებასა და ძალას გამოხატავს.

კომპანიის ცნობით, მათი დამფუძნებელი, ენზო ფერარი, ხშირად იხსენებდა ამბავს, როგორ მოიგო ერთ-ერთი რბოლა 1923 წელს. როგორც ცნობილია, სწორედ ამ შეჯიბრში შეხვდა იგი გრაფ ენრიკოსა და გრაფინია პაოლინა ბარაკას. მათი შვილი საბრძოლო პილოტი იყო, რომელსაც ფრენისას ყოველთვის თან ჰქონდა ყალყზე შემდგარი ცხენის გამოსახულება. რადგან მფრინავი მაშინ უკვე დაღუპული იყო, გრაფმა და გრაფინიამ გამოსახულება ენზოს აჩუქეს და უთხრეს, რომ ის იღბლის მომტანი იქნებოდა. ამ დიზაინს კი დღეს უკვე კარგად იცნობენ სპორტული ავტომობილების მოყვარულები.

INFINITI

ინფინიტის ლოგო უსასრულობის სიმბოლოს წააგავს, რაც კომპანიის ფილოსოფიას ასახავს.

დასკვნა

თითოეულ მანქანის ლოგოს საკუთარი ისტორია და მნიშვნელობა აქვს. ზოგი მათგანი ძველი მემკვიდრეობიდან იღებს სათავეს, ზოგი კი თანამედროვე სამყაროს ხედვას ასახავს. ამ სიმბოლოების გააზრებით უკეთ გავიგებთ, რას წარმოადგენს თითოეული ბრენდი და როგორია მისი ღირებულებები.

ჩვენს სერვისებში უკეთ გასარკვევად კი, შეგახსენებთ: MOGO გთავაზობთ ავტოლიზინგის სწრაფ და მოქნილ სერვისს, რომლის ფარგლებშიც, შესაძლებელია 100,000 ლარამდე დაფინანსების მიღება, 84 თვემდე (7 წლამდე) ვადით. ონლაინ განაცხადი სწრაფად მუშავდება, რაც ნიშნავს, რომ მომხმარებელი ავტომობილს უმოკლეს დროში იღებს. ლიზინგის პირობები მოიცავს ავტომობილის მაქსიმალური საბაზრო ღირებულებით შეფასებას... დეტალური ინფორმაციისთვის ეწვიეთ  ვებგვერდს.