ნივთები, რომელიც თქვენს მანქანაში აუცილებლად უნდა იყოს!

გზაზე მოულოდნელი სიტუაციები ხშირია — ტექნიკური გაუმართაობა, უამინდობა ან ჯანმრთელობის გაუარესება. ამიტომ მნიშვნელოვანია, რომ ავტომობილში ყოველთვის გქონდეთ საჭირო ნივთები, რომლებიც დაგეხმარებათ უსაფრთხო და კომფორტულ მგზავრობაში.

ამ ბლოგში გაგიზიარებთ ჩამონათვალს, რაც შეგიძლიათ, სახელმძღვანელოდ გამოიყენოთ:

კანონით გათვალისწინებული ნივთები

საქართველოს კანონმდებლობით, მძღოლს მანქანაში აუცილებლად უნდა ჰქონდეს:

• დოკუმენტები: პირადობის დამადასტურებელი მოწმობა, მართვის მოწმობა,
  სატრანსპორტო საშუალების ტექნიკური პასპორტი, სავალდებულო დაზღვევის პოლისი (თუ გააჩნია).
  
  
• პირველადი სამედიცინო დახმარების ყუთი, რომელიც უნდა შეიცავდეს:
  სტერილურ ბინტებს,  ანტისეპტიკს, პლასტერებს, ტკივილგამაყუჩებლებს,  სიცხის დამწევ საშუალებებს,  ხელთათმანებს, მაკრატელს, უკონტაქტო თერმომეტრს.
  
  
• ავარიული გაჩერების ნიშნული (სამკუთხედი) — უნდა მოთავსდეს მანქანისგან უსაფრთხო მანძილზე ავარიის ან იძულებითი გაჩერების შემთხვევაში.
  
  
• ცეცხლმაქრი — სერტიფიცირებული და მოქმედი, მინიმუმ, 1 კგ მოცულობით, რეგულარულად შემოწმებული.
  
  
• ამრეკლი ჟილეტი — განსაკუთრებით, ღამის საათებში ან ცუდი ხილვადობის პირობებში, რათა სხვა მძღოლებმა ადვილად შეგამჩნიონ.
  

რაც გზაზე დაგეხმარებათ

ქვემოთ ჩამოთვლილი ნივთები არ არის სავალდებულო კანონით, თუმცა პრაქტიკაში ხშირად ხდება გადამწყვეტი მნიშვნელობის:

• გასაღების ნაკრები;
  
  
• ბუქსირის თოკი;
  
  
• ამწე, იგივე დომკრატი;
  
  
• ქანჩი;
  
  
• სათადარიგო საბურავი;
  
  
• საბურავის დასაბერი;
  
  
• ნიჩაბი (განსაკუთრებით, ზამთარში);
  
  
• ანტისრიალა მატერიალი (მატერია ან პლასტმასის დაფა, საბურავების ქვეშ დასადები);
  
  
• მანქანისთვის განკუთვნილი ტელეფონის დამტენი;
  
  
• ქაღალდის რუკა, დაბეჭდილი გზამკვლევი (ინტერნეტის არქონის შემთხვევაში);
  
  
• დასაქოქი კაბელი;
  
  
• საბურავის წნევის სენსორი.

რაც კომფორტს ზრდის

გრძელ გზებზე ან ბუნებრივ პირობებში გადაადგილებისას, შემდეგი ნივთები მნიშვნელოვნად გაზრდის თქვენს კომფორტს:

• სასმელი წყალი;
  
  
• მსუბუქი წასახემსებელი (ჩირი, თხილეული, შოკოლადი);
  
  
• პლედი;
  
  
• თბილი ტანსაცმელი;
  
  
• ფანარი (სასურველია ელემენტებით ან დამუხტვადი);
  
  
• ხელთათმანები;
  
  
• საწვავის რეზერვი ან პატარა ბიდონი;
  
  
• USB-დამტენი მობილური მოწყობილობებისთვის და დასამუხტი გარე აკუმულატორი;
  
  
• მზის ამრეკლი და მზის სათვალე (ზაფხულში);
  
  
• გადასაფარებელი პიკნიკისთვის. 

მაგალითი: ერთ ზამთარში, გუდაურისკენ მიმავალ გზაზე, მოულოდნელად მანქანა გაჩერდა და სარემონტო ჯგუფის ლოდინისას მძღოლმა 2 საათი სიცივეში გაატარა. სწორედ მაშინ გამოიყენა პლედი, თბილი ქურთუკი და ხელთათმანები, რაც მანქანაში „ყოველი შემთხვევისთვის“ ჰქონდა დატოვებული. ერთი შეხედვით, ეს უმნიშვნელო, წვრილმანი თადარიგი ძალიან გამოსადეგი აღმოჩნდა.

დასკვნა

მანქანის სწორად აღჭურვა უსაფრთხო მგზავრობისთვის აუცილებელია. ზოგიერთ ნივთზე პასუხისმგებლობა კანონით გეკისრებათ, ხოლო დანარჩენები თქვენსავე კომფორტსა და გადარჩენას ემსახურება. მომზადებული მძღოლი მშვიდად გადაადგილდება და მოულოდნელ პრობლემებს უფრო მარტივად აგვარებს.

თუ რაიმე მოულოდნელ ხარჯს წააწყდით და გესაჭიროებათ თანხა, არ იჩქაროთ ავტომობილის გაყიდვა. შეგიძლიათ, Mogo-ს უკულიზინგის სერვისით (leaseback) — ისარგებლოთ, ავტომობილი თქვენს ხელში რჩება, თან თანხასაც იღებთ.