დატბორილი მანქანა - რატომ არის საფრთხილო და როგორ ამოვიცნოთ?
07.07.2025
წყალდიდობებისა და სხვა ბუნებრივი კატაკლიზმების შემდეგ ბაზარზე ხშირად ჩნდება დატბორილი მანქანები, რაც ვიზუალურად ამაზე არანაირ ინფორმაციას არ გვაძლევს, თუმცა, შესაძლოა, რეალურად, სერიოზული პრობლემები ჰქონდეს.
ასეთი ავტომობილის ყიდვა ხომ დამატებით ხარჯებსა და უსაფრთხოების რისკებთანაა დაკავშირებული?! სწორედ ამიტომ, მნიშვნელოვანია, ვიცოდეთ, როგორ ამოვიცნოთ დატბორილი მანქანის ნიშნები და როგორ დავიზღვიოთ თავი მოულოდნელი სიურპრიზებისგან.
რატომ არის დატბორილი მანქანის შეძენა საშიში?
დატბორილი მანქანა, თავის თავში, არაერთ რისკს მოიცავს:
- დამალული ნაწილების კოროზია, რაც დროთა განმავლობაში მანქანის კონსტრუქციის გაუარესებას იწვევს;
- ელექტრონიკის დაზიანება, რამაც შესაძლოა, მყისიერი ან გვიანი გამოხატული პრობლემები გამოიწვიოს;
- ძრავის შესაძლო დაზიანება, რისი შეკეთებაც განსაკუთრებით ძვირი ჯდება;
- ბაზარზე ღირებულების მკვეთრი დაცემა — ასეთი მანქანის გაყიდვა მომავალში ძალიან გაგიჭიდებათ.
სწორედ ამიტომ, სჯობს, იყოთ ფრთხილად და წინასწარ გამოიკვლიოთ მანქანის ისტორია.
როგორ ამოვიცნოთ დატბორილი მანქანა?
დატბორილი მანქანის ამოსაცნობად ყურადღება შემდეგ ნიშნებს უნდა მიაქციოთ:
- ნესტის სუნი სალონში - ავტომობილის ზოგიერთი ადგილის ბოლომდე გაშრობა რთულია. შეამოწმეთ ფეხის სადგამებისა და ხალიჩების სიმშრალე. ნოტიო ხალიჩა გამაფრთხილებელი ნიშანი უნდა იყოს, ისევე, როგორც ნესტის სუნი.
- ჟანგი არატიპობრივ ადგილებში - მაგალითად, სავარძლების რელსებზე ან უსაფრთხოების ღვედების ბაზებზე. გარდა ამისა, ჟანგი ჩაუძირავ ავტომობილებსაც აქვთ, თუმცა არა იმ რაოდენობით, რამდენიც, შესაძლოა, დატბორილ მანქანას ჰქონდეს. კარგი იქნება, თუ ავტომობილს ასწევთ და მთავარ კომპონენტებს გულდასმით შეამოწმებთ.
- ტენიანობის კვალი ფარებში, საბარგულში ან სხვა დახურულ სივრცეებში.
- ქვიშისა და ტალახის ნარჩენები სავარძლების ქვეშ ან იშვიათად გასაწმენდ ადგილებში.
- ელექტრონული მოწყობილობების დაზიანება, როგორიცაა: ეკრანები, ბორტკომპიუტერი ან სენსორები, რაც წყლის ზემოქმედებით ხშირად ფუჭდება. თუ ავტომობილიდატბორილია, ელექტროობა, სავარაუდოდ, დაზიანებული იქნება. შეამოწმეთ ყველა ტიპის მაშუქი, ფანჯრები და სხვა ელექტრომოწყობილობები.
ყველა ეს ნიშანი ერთად ან ცალკე შეიძლება იყოს სიგნალი, რომ ავტომობილი დატბორილია და მოითხოვს დამატებით შემოწმებას.
კიდევ რა უნდა შევამოწმოთ?
დატბორილი მანქანის შეძენის რისკის თავიდან ასაცილებლად, რეკომენდებულია:
- ავტომობილის საფუძვლიანი შემოწმება სერვის ცენტრში ან დამოუკიდებელი ექსპერტის მიერ;
- VIN-კოდის ისტორიის გადამოწმება, მათ შორის, წყალდიდობაში მოყოლის ჩათვლით.
- დოკუმენტაციისა და სერვის ისტორიის შემოწმება, რომელიც მნიშვნელოვან ინფორმაციას მოგცემთ წარსულზე.
- ონლაინ პლატფორმებისა და მონაცემთა ბაზების გამოყენება, სადაც ხშირად ფიქსირდება ასეთი შემთხვევები.
დამატებით, ამ საკითხზე დეტალური ინფორმაცია იხილეთ ჩვენს ბლოგში.
დასკვნა
დატბორილი მანქანის ყიდვა შეიძლება უსიამოვნო სიურპრიზად გადაიქცეს, ვინაიდან ბევრი დაზიანება, თავდაპირველად, უხილავია. სიფრთხილე, ცოდნა და დეტალური შემოწმება დაგეხმარებათ, თავიდან აირიდოთ ფინანსური და ტექნიკური სირთულეები.
თუ გსურთ ავტომობილის შეძენა უპრობლემოდ და სანდოდ, გაითვალისწინეთ „მოგოს“ ავტოლიზინგის მომსახურება. Mogo გთავაზობთ მოქნილ პირობებს, გამჭვირვალე პროცედურებსა და პროფესიონალურ მხარდაჭერას, რაც უსაფრთხო და მარტივ არჩევანს უზრუნველყოფს. გაიგეთ მეტი ბმულზე.