როგორ დავიცვათ მანქანა ქურდობისგან

ავტომობილის ქურდობა მხოლოდ ძვირადღირებული ბრენდების მფლობელების პრობლემა არაა, ვინაიდან ქურდების სამიზნე ნებისმიერი მანქანა შეიძლება, გახდეს. შესაბამისად, მანქანის უსაფრთხოებაზე ზრუნვა კრიტიკულად მნიშვნელოვანია. ავტომფლობელებმა წინასწარ უნდა იფიქრონ დაცვის ეფექტურ გზებზე, რათა თავიდან აირიდონ სერიოზული ფინანსური ზიანი. 

დაცვის ეფექტურ გზებზე კი, დეტალურად, ამ ბლოგში მოგიყვებით. 

მანქანის ქურდობის ძირითადი მეთოდები

ქურდებს დღეს მრავალფეროვანი და დახვეწილი მეთოდები აქვთ ავტომობილის სწრაფად და უხმაუროდ მოსაპარად, მათ შორის:

საკეტის მექანიკური გატეხვა: ძველი მანქანებისთვის აქტუალურია, როცა საკეტი ფიზიკურად ზიანდება.

რელე-შეტევა (Relay Attack): დახვეწილი მეთოდი, რომელსაც ქურდები იყენებენ გასაღების გარეშე გასახსნელი სისტემით აღჭურვილი ავტომობილების მოსაპარად. 

გასაღების ქურდობა: მფლობელის გასაღების მოპარვა სახლში, კაფეში ან სპორტდარბაზში.

სიგნალიზაციის გამორთვა ან ბლოკირება: ხშირად მიიღწევა სპეციალური ხელსაწყოებით.

მობილური აპების გატეხვა — თანამედროვე მანქანების შემთხვევებში ქურდებს შეუძლიათ სისტემაში დისტანციურად შეღწევა.

მექანიკური უსაფრთხოების ზომები

მექანიკური საშუალებები მარტივი, ხელმისაწვდომი და საკმაოდ ეფექტურია:

საჭის ჩამკეტი — მაგრდება საჭეზე და ნას ბრუნვის საშუალებას არ აძლევს. ეფექტურია, ქურდს დროს აკარგვინებს და თან აშინებს.

გადაცემათა კოლოფის ჩამკეტი — მოძრაობის დაწყებას შეუძლებელს ხდის.

პედლების ჩამკეტი — რაც მას ბლოკავს.

ბორბლის ჩამკეტი — იგივე „კლამპი“, რომელიც ფიზიკურად არ აძლევს მანქანას მოძრაობის საშუალებას.
ზემოჩამოთვლილთა ეფექტურობა მაღალია მაშინ, როცა ქურდს ცოტა დრო აქვს.

ელექტრონული დაცვის საშუალებები

თანამედროვე ტექნოლოგიები მნიშვნელოვნად ზრდის ავტომობილის უსაფრთხოებას:

სიგნალიზაცია — ხმოვანი თუ ვიზუალური სიგნალირაც ერთი მხრივ, მფლობელს აფრთხილებს, მეორე მხრივ კი, ქურდს აფრთხობს.  

GPS ტრეკერი — ავტომობილის ადგილმდებარეობას რეალურ დროში აჩვენებს, ქურდობის შემდეგ სწრაფად მოძებნის საშუალებას იძლევა.

იმობილაიზერი — ბლოკავს ძრავის გაშვებას, თუ არ ხდება ავტორიზებული გასაღების ან კოდის გამოყენება.

დისტანციური კონტროლი აპის მეშვეობით — ზოგიერთი სისტემა მფლობელს აძლევს საშუალებას, მანქანა დისტანციურად დაბლოკოს.

მექანიკურთან ერთად, ელექტრონული სისტემების კომბინაცია, ცხადია, გაცილებით ეფექტურ დაცვას უზრუნველყოფს.

სადაზღვევო ასპექტი

მიუხედავად ყველა დაცვის მექანიზმისა, ქურდობის რისკი ბოლომდე არასოდეს ქრება. სწორედ აქ გვეხმარება ავტომობილის დაზღვევა. კომპლექსური დაზღვევა ფარავს ქურდობის შემთხვევასაც, რაც თქვენს ფინანსურ თუ ემოციურ სტაბილურობას უზრუნველყოფს. 

დაზღვევის არჩევისას ყურადღება მიაქციეთ, მოიცავს თუ არა პოლისი ქურდობისგან დაცვას და უფრო ზუსტად, ანაზღაურების რა მექანიზმია გათვალისწინებული. 

დეტალურად, ინფორმაცია იხილეთ ჩვენს ბლოგში. 

სხვა რეკომენდაციები

მანქანის დაცვის მექანიკური და ელექტრონული სისტემების ამუშავების გარდა, სხვა „წვრილმან“, მაგრამ მნიშნელოვან რეკომენდაციებსაც გაგიზიარებთ, რაც „არ-ით“ იწყება:

• არ დატოვოთ გასაღები მანქანაში! 
• არ იტრაბახოთ ავტომობილით სოციალურ ქსელებში (მით უფრო თუ სერია და ლოკაცია იდენტიფიცირებადია);
• თუმცა თუ მაინც საჯაროდ დებთ ფოტოს, დაფარეთ სანომრე ნიშნები;
• დახურეთ ფანჯრები და კარები, თუნდაც ავტომობილი საკუთარ ეზოში გყავდეთ;
• არ დააპარკინგოთ ბნელ, იზოლირებულ ადგილებში;
• არ დატოვოთ ძვირფასეულობა ან ტექნიკა მანქანაში ხილვად ადგილას;
• უპირატესობა მიანიჭეთ დაცულ და ვიდეოთვალით აღჭურვილ სადგომებს.

დასკვნა

მანქანის ქურდობა შეიძლება იყოს უდიდესი სტრესი და ფინანსური დარტყმა მფლობელისთვის. თუმცა სწორად შერჩეული დაცვის კომბინაცია, ყურადღება და პრევენციული ზომები მნიშვნელოვნად ამცირებს ამ რისკს.

თუ ავტომობილის შეძენას გეგმავთ და გსურთ მასთან დაკავშირებული საკითხები მაქსიმალურად მშვიდად წარმართოთ, გაეცანით Mogo-ს ავტოლიზინგის მომსახურებას - მეტი ინფორმაციისთვის ეწვიეთ ბმულს - მოქნილი პირობებით, მარტივი პროცედურებითა და გამჭვირვალე მიდგომებით!