„აიღე მოგო“ – კამპანია, რომელშიც მთელი საქართველო ჩაერთო

მოგო საქართველო არის ავტო სალიზინგო კომპანია და ლატვიური საერთაშორისო ჯგუფის – ილევინგის (Eleving Group) ნაწილი, ერთ-ერთი ყველაზე სწრაფად მზარდი ფინანსური ბრენდი ქართულ ბაზარზე. ჩვენი მიზანია ავტო ლიზინგი და ავტომობილის დაფინანსება გავხადოთ სწრაფი, მარტივი და მაქსიმალურად ხელმისაწვდომი ყველასთვის.

2025 წლის დეკემბერში, წინასაახალწლოდ, ამ ღირებულებების გარშემო შევქმენით მასშტაბური მარკეტინგული კამპანია – „აიღე მოგო“.

მომხმარებელი გადაწყვეტილების ცენტრში

იმის დასადგენად, თუ სად უნდა ჩატარებულიყო “აიღე მოგო”, გადავწყვიტეთ, რომ მომხმარებლისთვის გვეკითხა აზრი. mogo.ge-ზე შეიქმნა სპეციალური გვერდი, სადაც მომხმარებელს შეეძლო ხმა მიეცა საკუთარი ქალაქისთვის. ყოველი კვირის ბოლოს ხმათა უმრავლესობით წყდებოდა, თუ სად გაიმართებოდა შემდეგი გათამაშება.

საქართველოს სხვადასხვა ქალაქში – შაბათ-კვირის გათამაშებები

კამპანიის „აიღე მოგო“ ერთ-ერთი მთავარი ღირებულება ინტერაქციულობა იყო. მთელი კვირის განმავლობაში, ხმის მიცემის პროცესი აქტიურად მიმდინარეობდა — მომხმარებლები მთელი საქართველოს მასშტაბით ირჩევდნენ თავიანთ ქალაქებს და წყვეტდნენ, სად უნდა გამართულიყო დასკვნითი ღონისძიებები.

ამ აქტივობამ მოგვცა შესაძლებლობა, უკეთ დაგვენახა ჩვენი აუდიტორიის გეოგრაფიული განაწილება და ინტერესი. საბოლოოდ, ხალხის არჩევანითა და აქტიურობით, გამარჯვებული ლოკაციები გამოვლინდა:

• ქუთაისი
• ბათუმი
• რუსთავი
• თბილისი

სტრატეგიული დაგეგმვა: დრო და ადგილი თქვენი კომფორტისთვის

ქალაქების გამოვლენის შემდეგ, ჩვენი გუნდისთვის მთავარი გამოწვევა ზუსტი დროისა და ლოკაციების შერჩევა გახდა. ჩვენი მიზანი იყო, ვყოფილიყავით იქ, სადაც ჩვენი მომხმარებელია, და შეგვეთავაზებინა მათთვის „მოგოსთან“ შეხვედრის ყველაზე კომფორტული გზა.

შერჩევისას რამდენიმე გადამწყვეტი ფაქტორი გავითვალისწინეთ:

მაქსიმალური ხელმისაწვდომობა: შეხვედრის დღედ კვირა შეირჩა — დრო, როცა ადამიანების უმეტესობა თავისუფალია სამუშაო რუტინისგან და აქვს შესაძლებლობა, მშვიდად სცადოს ბედი.

სტრატეგიული ლოკაციები: ადგილის შერჩევისას დავეყრდენით „ტრაფიკის“ ანალიზს. წინასაახალწლო პერიოდში სავაჭრო ცენტრები და მოლები ქალაქის ყველაზე ცოცხალი წერტილებია.

ბუნებრივი ნაკადები: ჩვენ სპეციალურად ავირჩიეთ ის სივრცეები, სადაც ჩვენი პოტენციური მომხმარებლები თავისთავად იყვნენ მობილიზებულნი. ამან საშუალება მოგვცა, კამპანია უფრო ორგანული გაგვეხადა ჩვენი სამიზნე აუდიტორიისთვის.

ამგვარად, „აიღე მოგო“ არ იყო მხოლოდ გათამაშება — ეს იყო სტრატეგიულად დაგეგმილი აქტივობა, რომელიც მიზნად ისახავდა მომხმარებელთან შეხვედრას მათთვის ყველაზე ნაცნობ და კომფორტულ გარემოში.

გათამაშების პროცესი – როცა დაძაბულობა პიკს აღწევს

„აიღე მოგოს“ გათამაშება აგებული იყო მკაფიო და გამჭვირვალე პრინციპზე. ადგილზე მოწყობილი იყო სპეციალურად შექმნილი ბრენდირებული ყუთი და ოცდაათი გასაღები, რომელთაგან მხოლოდ ერთი ხსნიდა ყუთს.

გასაღებები მოთავსებული იყო გამჭვირვალე შუშის ჭურჭელში, რათა მონაწილეებს ნათლად დაენახათ, რომ ყველა მათგანი ვიზუალურად იდენტური იყო. არჩევანი სრულად შემთხვევითობაზე იყო დაფუძნებული — თითოეულ ადამიანს ჰქონდა თანაბარი შანსი.

მონაწილე იღებდა ერთ გასაღებს და ცდილობდა მის მორგებას ყუთზე. თუ ყუთი არ იღებოდა, გასაღები ისევ ბრუნდებოდა საერთო ჭურჭელში, შემდეგ კი ჭურჭელი ირეოდა, რათა ყოველი ახალი მცდელობის წინ პირობები კვლავ თანაბარი ყოფილიყო. ეს პროცესი გამორიცხავდა უპირატესობას და უზრუნველყოფდა სამართლიან გარემოს მთელი გათამაშის განმავლობაში.

გათამაშება რამდენიმე საათის გრძელდებოდა. ამ დროის განმავლობაში, ვინც შეძლებდა ყუთის გახსნას, იგი ავტომატურად გადადიოდა ფინალურ ეტაპზე. შესაბამისად, ფინალისტების რაოდენობა წინასწარ განსაზღვრული არ იყო — პირობითად, თუ დღის განმავლობაში 3 ადამიანი გახსნიდა ყუთს, ფინალში 3 ფინალისტი მონაწილეობდა;

ფინალი იმავე დღეს, საღამოს საათებში იმართებოდა. ამ ეტაპზე ჭურჭელში თავსდებოდა იმდენი გასაღები, რამდენი ფინალისტიც იყო. მაგალითად, თუ ფინალში 3 ადამიანი გადადიოდა, ჭურჭელში 3 გასაღები იდებოდა, საიდანაც მხოლოდ ერთი იყო მომგებიანი და ხსნიდა მთავარ ყუთს.

ასეთი ფორმატი ფინალს განსაკუთრებულად დაძაბულს და ემოციურს ხდიდა — მონაწილეებს უკვე გაცილებით მაღალი შანსი ჰქონდათ გამარჯვების. თითოეული გასაღების მორგება ქმნიდა მოლოდინის ძლიერ განცდას, ხოლო გამარჯვების მომენტი, რომელიც საჯაროდ და დამსწრეების თანდასწრებით ფიქსირდებოდა, პროცესს კიდევ უფრო შთამბეჭდავს ხდიდა.

გათამაშების ეს სტრუქტურა პროცესს ხდიდა დინამიურს, მარტივს და ყველაფერთან ერთად, სამართლიანს — სწორედ იმ პრინციპებს, რომლებზეც მოგოს ბრენდი დგას: გამჭვირვალობა, სიმარტივე და რეალური შესაძლებლობა.

შედეგები და გავლენა: ციფრული კავშირი ჩვენს მომხმარებლებთან

კამპანიამ „აიღე მოგო“ კიდევ ერთხელ დაგვანახა, რამდენად მნიშვნელოვანია ადამიანებისთვის ხელმისაწვდომი და გამჭვირვალე ფინანსური სერვისები. პროექტის ფარგლებში, ჩვენს ბაზას ათასამდე ახალი მონაწილე შემოუერთდა. რეგისტრაციის პროცესი მაქსიმალურად გავამარტივეთ: ჩვენი პრომო-გუნდი, პლანშეტების დახმარებით, ადგილზევე ახდენდა დაინტერესებული პირების ინფორმაციის ციფრულ ბაზაში ასახვას. ეს იყო სწრაფი, უფასო და ყოველგვარი ბიუროკრატიისგან დაცლილი პროცესი.

ჩვენთვის ეს მხოლოდ სტატისტიკა არ არის — ეს არის ათასი ახალი შესაძლებლობა, რომ გავხდეთ თქვენი საიმედო პარტნიორები. მონაცემთა ციფრული დამუშავება გვაძლევს საშუალებას, უარი ვთქვათ სტანდარტულ, „შაბლონურ“ რეკლამებზე და გადავიდეთ კომუნიკაციის სრულიად ახალ ეტაპზე.

რას ნიშნავს ეს ჩვენი მომხმარებლისთვის?

დაგროვილი ინფორმაციის საფუძველზე, ჩვენ შევძლებთ თქვენთან ინდივიდუალური და მართლაც საჭირო მარკეტინგული კომუნიკაციის დამყარებას. ეს ნიშნავს, რომ მომავალში მიიღებთ მხოლოდ იმ შეთავაზებებსა და სიახლეებს, რომლებიც ზუსტად ერგება თქვენს ინტერესებსა და ავტო-მიზნებს.

„მოგო საქართველოსთვის“ მთავარი ღირებულება მომხმარებელთან გრძელვადიანი ურთიერთობაა. ციფრული ტრანსფორმაციის გზით, ჩვენ ვცდილობთ, ფინანსური სერვისები უფრო პერსონალიზებული და ადამიანზე ორიენტირებული გავხადოთ. ეს კამპანია იყო კიდევ ერთი ნაბიჯი იმისკენ, რომ საჭირო დროს, საჭირო ადგილას, თქვენთვის ყველაზე ხელსაყრელი პირობით აღმოჩნდეთ.

სკეპტიციზმიდან ნდობამდე

აღსანიშნავია, რომ კამპანიის დასაწყისში მონაწილეთა ნაწილი ბუნებრივ სკეპტიციზმს გამოხატავდა. ფინანსურ თემატიკასთან დაკავშირებული აქტივობების მიმართ საზოგადოებაში ხშირად არსებობს უნდობლობა, განსაკუთრებით მაშინ, როდესაც პროცესი მარტივი და უფასოა. ბევრს უჭირდა დაეჯერებინა, რომ გათამაშებაში მონაწილეობა არ მოითხოვდა რაიმე საფასურს და გამარჯვების შემთხვევაში 1000 ლარს რეალურად მიიღებდნენ.

თუმცა კამპანიის ფორმატმა — ღიად ჩატარებულმა პროცესმა, იდენტურმა გასაღებებმა, საჯარო გათამაშებამ და გამარჯვებულების დაუყოვნებლივ გამოვლენამ — ეტაპობრივად გააქრო ეს ეჭვები. მონაწილეები საკუთარი თვალით ხედავდნენ, რომ თითოეული ნაბიჯი იყო გამჭვირვალე და სამართლიანი.

ერთ-ერთმა გამარჯვებულმა აღნიშნა:
„ცხოვრებაში არაფერი მომიგია, თავიდან მართლა არ მჯეროდა, ვფიქრობდი, რომ უბრალოდ აქტივობა იყო ხალხის მოსაზიდად. მაგრამ როდესაც ყუთი გაიხსნა და თანხა ადგილზე გადმომცეს, მივხვდი, რომ ყველაფერი რეალური იყო. ასეთი გამოცდილება იშვიათია.“

სწორედ ასეთ მომენტებში ყალიბდება ნდობა. როდესაც დაპირება ქმედებით მტკიცდება, ბრენდი მხოლოდ სახელი აღარ არის — ის ხდება გამოცდილება. „აიღე მოგო“ ბევრისთვის სწორედ ის გამოცდილება აღმოჩნდა, რომელმაც დაანახა, რომ მოგო არის კომპანია, რომელსაც შეუძლია პასუხისმგებლობით შეასრულოს ნათქვამი და იყოს სანდო პარტნიორი.

კომპანიის ხედვა:

“კამპანია "აიღე მოგო" ჩვენთვის იყო შესაძლებლობა, რომ ბრენდი გასულიყო ხალხში და გვეჩვენებინა, რომ ამ კომპანიაში მუშაობენ ისეთივე ადამიანები, როგორებიც დადიან საქართველოს ქუჩებში. არაფრით განვსხვავდებით სხვებისაგან და არაფერია იმაზე უფრო მნიშვნელოვანი, ვიდრე საკუთარ თანამოქალაქეებთან ახლოს ყოფნა. ამის გარდა, გვინდოდა, რომ ყველასათვის მიგვეცა შანსი პატარა თამაშის შედეგად გამოეცადათ საკუთარი იღბალი და მიეღოთ საკმაოდ სოლიდური ფულადი პრიზი პირადი მიზნებისათვის. იქიდან გამომდინარე, რომ ჩვენი მთავარი პროდუქტი არის ფული ავტომობილის უზრუნველყოფით, ადგილზე გვქონდა წარმოდგენილი ბრენდირებული მოგო მობილი და ქეისში გვქონდა ნაღდი ფული, რომ არ გავცელილიყავით კომპანიის საქმიანობის მთავარ ატრიბუტებს...“

— ზუკა გაფრინდაშვილი, მარკეტინგის ხელმძღვანელი, Mogo Georgia

წინ კიდევ ბევრი საინტერესო სიახლეა.

„აიღე მოგო“ არ ყოფილა ერთადერთი და არც უკანასკნელი კამპანია. ეს იყო მხოლოდ ერთ-ერთი ნაბიჯი იმ გზაზე, რომელსაც მომხმარებელთან ერთად გავდივართ.

მოგო მომავალშიც გეგმავს უფრო მასშტაბურ, სახალისო და ინოვაციურ აქტივობებს, რომლებიც კიდევ უფრო გაამყარებს ჩვენს კავშირს საზოგადოებასთან და მომხმარებლებს მისცემს ახალ შესაძლებლობებს.

ჩვენი მიზანია არა მხოლოდ ავტო ლიზინგისა და დაფინანსების გამარტივება, არამედ პოზიტიური გამოცდილების შექმნა — როგორც ფინანსურ სერვისებში, ისე ბრენდთან ყოველდღიურ ურთიერთობაში.

დარჩით ჩვენთან კონტაქტზე, თვალი ადევნეთ სიახლეებს mogo.ge-ზე და სოციალურ ქსელებში, და გაიგეთ მეტი იმ შესაძლებლობების შესახებ, რომლებიც მომავალში თქვენთვის მზადდება.