როგორ მოვამზადოთ მანქანა გასაყიდად: ფასის გაზრდის საიდუმლოებები

ადამიანების უმეტესობაზე პირველ შთაბეჭდილებას ობიექტის ვიზუალური მდგომარეობა ახდენს, შესაბამისად, ლამაზი მანქანაც პირველივე თვალის შევლებით დამკვირვებლისთვის უფრო მიმზიდველია. 

ვიზუალური მდგომარეობა, ტექნიკური გამართულობა და სრულყოფილი დოკუმენტაცია კი,  ერთობლივად, მანქანის ღირებულებას განსაზღვრავს, რასაც დამატებით, ყველაზე მნიშვნელოვანი, მყიდველის ნდობა ეფუძნება. 

ამიტომ მნიშვნელოვანია, რომ ავტომობილის გაყიდვამდე ყველა დეტალი გათვალისწინებული და მოწესრიგებული გქონდეთ.

ქვემოთ გაგიზიარებთ რჩევებს, რაზე გიჯობთ კონცენტრირება.

მანქანის ვიზუალური მდგომარეობა

მანქანის გარეგანი მდგომარეობა პირველია, რასაც პოტენციური მყიდველი ამჩნევს:

კორპუსის მოწესრიგება: ხარისხიანი გარეცხვა, გაპრიალება და ნაკაწრების მოშორება საგრძნობლად ზრდის ღირებულებას. სალონის დალაგება: რაც მოიცავს სავარძლების, ხალიჩების, პანელებისა და ჭერის გაწმენდას. ყველა დეტალის გათვალისწინება და გამოცვლა — საბარგულის ახალი ხალიჩები, სალონის ხალიჩები, კარის სახელურები და სხვა.

ავტომობილის ლამაზი და მოწესრიგებული ვიზუალი „ახალი მანქანის“ ეფექტს, რაც მყიდველის ინტერესს პირდაპირპროპორციულად ზრდის. 

დეტალური რჩევები იხილეთ ჩვენს ბლოგში. 

ტექნიკური მდგომარეობის შემოწმება

ცხადია, პირველი შტაბეჭდილების შემდეგ, ტექნიკური გამართულობა მყიდველისთვის უმნიშვნელოვანესია ამიტომაც, არ დაიზაროთ:

• მცირე პრობლემების გამოსწორება კი — მაგალითად, ბუქსირების კაუჭის დაფიქსირება, მცირე ხმის გაქრობაც;
• ზეთისა და ფილტრების შეცვლა, რაც რეგულარულ მოვლაზე მიანიშნებს და დაინტერესებული პირის სანდოობასაც ზრდის;
• სავალი ნაწილისა და მუხრუჭების დიაგნოსტიკა — უსაფრთხოება მყიდველისთვის უმნიშვნელოვანესია;
  
• სავალდებულო ტექნიკური ინსპექტირების გავლა და მისი დადასტურება.
  
• საბურავებისა და აკუმულატორის მდგომარეობის შემოწმება.

ყველა ამ ეტაპის შესრულება აჩვენებს, რომ მანქანა მოვლილია და ახალ მფლობელს დამატებით ხარჯებად არ დააწვება. 

ამ საკითხთან დაკავშირებით მეტი ინფორმაციისთვის იხილეთ ჩვენი ბლოგი. 

დოკუმენტაციის მომზადება

სრული და გამჭვირვალე დოკუმენტაცია მყიდველისთვის სიმშვიდის გარანტიაა. გარდა ამისა, დოკუმენტაციის სიზუსტე ხელს უწყობს სწრაფ და კომფორტულ გარიგებას. ამიტომაც, მნიშვნელოვანია, თავი მოუყაროთ შემდეგ დოკუმენტებს: ტექნიკური პასპორტი, სერვისისტორიის ჩანაწერები და  ქვითრები. ასევე, ჯარიმები ან სამართლებრივი შეზღუდვების არარსებობა შეამოწმოთ და დამადასტურებელი ასლებიც იქონიოთ. 

მანქანის „სუფთა“ სამართლებრივი ისტორია ნდობას ამაღლებს და გაყიდვის ფასზეც ეფექტურად მოქმედებს. 

წვრილმანები, რამაც ფასი შეიძლება, შეამციროს

ხშირად, ერთი შეხედვით წვრილმანი დეტალები, ფასის დაკლების მოთხოვნის წინაპირობა ხდება ხოლმე:

• გაბზარული ან ჩამქრალი ფარები;
• გაცვეთილი საწმენდი ხელსაწყოები;
• ბზარები ან ნაკაწრები საქარე მინაზე;
• საჭისა და სიჩქარის გადამრთველის გაცვეთილი ზედაპირი;
• სავარძლების ან ჭერის გაცვეთილი მატერია;
• უსიამოვნო სუნი (სიგარეტის, ნესტის და სხვ.);
• ჭუჭყიანი ან მოუწესრიგებელი ხალიჩები;
• სალონის დაზიანებული განათება.
• ფანჯრების გაუმართავი მუშაობა;
• დაზიანებული დინამიკი ან ჟღერადობის პრობლემები\;
• მუხრუჭის გაცვეთილი ბალიშები;
  
• სუსტი აკუმულატორი.
  
• მხოლოდ ერთი გასაღები.

ყველა ეს დეტალი, უმჯობესია,  გაყიდვამდე თვითონვე შეაკეთოთ, რათა თავიდან აირიდოთ მყიდველისგან ფასის დაკლების მცდელობები.

დასკვნა

სწორად მომზადებული მანქანა არა მხოლოდ სწრაფად იყიდება, არამედ ბევრად უკეთეს ფასადაც. ვიზუალური და ტექნიკური მხარის მოწესრიგება და სრულყოფილი დოკუმენტაცია მყიდველისთვის ქმნის დადებით პირველ შთაბეჭდილებას, რაც ნდობასა და საბოლოოდ ორივე მხარისთვის სასიამოვნო პროცესსა და მოგებიან გარიგებაში ითარგმნება. 

შეგახსენებთ, რომ შეგიძლიათ, ისარგებლოთ „მოგოს“ უკულიზინგის სერვისით - მიიღოთ თანხა თქვენი მანქანის სანაცვლოდ და განაგრძოთ მისი გამოყენება ლიზინგის პირობებით. დეტალები იხილეთ ბმულზე.