ისევე, როგორც ყველა ადამიანს აქვს მაიდენტიფიცირებელი, პირადი ნომერი, იგივენაირად აქვს ავტომობილსაც. მანქანის მაიდენტიფიცირებელ ნომერს VIN კოდი ქვია და მძღოლს აძლევს უამრავ სასარგებლო და საჭირო ინფორმაცის კონკრეტულ სატრანსპორტო საშუალებაზე.

რა ინფორმაციას გვაწვდის VIN კოდი?

მანქანის VIN kodi - არის უნიკალური 17-ნიშნა კოდი, რომელიც განსაზღვრავს კონკრეტულ მანქანას. VIN კოდის 17 ნიშანი შეიცავს რიცხვებს და ლათინურ ასოებს და საბოლოოდ სიმბოლოების ეს წყობა ქმნის კონკრეტული მანქანის კოდს და გვაძლევს ინფორმაციას ავტომობილის მწარმოებლის, მოდელის, წარმოების წლის, ძრავის ტიპის, მანქანის გამოშვების ადგილის და მანქანის შესახებ სხვა მნიშვნელოვან დეტალებზე.

VIN კოდი არის აუცილებელი ინსტრუმენტი მანქანის მყიდველებისთვის, გამყიდველებისთვის და მფლობელებისთვის. გარდა ზემოთ ჩამოთვლილისა, ის გვაწვდის მნიშვნელოვან ინფორმაციას მანქანის ისტორიის შესახებ, როგორიცაა მისი საკუთრება, ავარიის ისტორია და ტექნიკური ჩანაწერები.

ვინ კოდის მნიშვნელობა მეორადი ავტომობილის შეძენისას

მეორადი ავტომობილის შეძენისას, ხშირად გამყიდველი ცდილობს დაფაროს ავტომობილის ის ხარვეზები, რაც ვიზუალურად კარგად არ ჩანს. იმისთვის, რომ მყიდველი მოტყუებული არ დარჩეს, აუცილებელია ვინ კოდის გაგება და მისი შემოწმება. გამყიდველები ხშირად ფარავენ ინფორმაციას მანქანის დაზიანებებზე, წყლით დაზიანებაზე, ოდომეტრის განულებაზე. ყველა ეს დეტალი სინამდვილეში დიდ გავლენას ახდენს ავტომობილის სანდოობაზე, უსაფრთხოებაზე და საბოლოოდ მის ფასზე. იმისთვის, რომ ყველა დეტალზე ზუსტი ინფორმაცია მიიღოს მყიდველმა, გამყიდველისგან უნდა დააზუსტოს ვინ კოდი და თუ გამყიდველი ფარავს მანქანის ვინ კოდს, ლეგიტიმურია დაშვება, რომ ის ფარავს ავტომობილის შესაძლო ხარვეზებს.

გასათვალისწინებელია ისიც, რომ იმ შემთხვევაშიც კი, როცა გამყიდველი მოგაწყვდით ავტომობილის ვინკოდს, ეცადეთ გადაამოწმოთ ნამდვილად ემთხვევა თუ არა ეს ვინ კოდი ავტომობილზე დატანილ და მანქანის დოკუმენტებში არსებულ სიბოლოებს. მანქანის გამოწერის დროსაც, მნიშვნელოვანია აუქციონის საიტზე არსებულ ფოტოებს შორის იყოს ავტომობილზე დატანილი ვინკოდის ფოტოც.

როგორ უნდა გავიგო რა არის ჩემი მანქანის VIN კოდი?

VIN კოდი, როგორც წესი, განთავსებული შეიძლება იყოს რამდენიმე ადგილზე, მათ შორის, ბამპერზე, საქარე მინაზე, მძღოლის მხარეს არსებულ კარის ჩარჩოს სტიკერზე, ძრავზე და სხვა ნაწილებზე. გარდა ნაწილებისა, ვინ კოდის ნახვა შესაძლებელია სხვადასხვა დოკუმენტებში, მაგალითად, მანქანის ტექ. პასპორტში, სადაზღვეო პოლისში და პოლიციის ჩანაწერებში.

როგორ უნდა გამოვიყენო VIN კოდი? სად შეიძლება მისი შემოწმება?

არსებობს მრავალი ონლაინ სპლატფორმა, საიტი, რომლის დახმარებითაც ვინ კოდის შემოწმება შეიძლება. მათ შორისაა ქართული და უცხოური საიტები. მათგან ზოგი სანდოა, ზოგი ნაკლებად. სანდოობა განისაზღვრება იმით თუ რამდენ და რა ხარისხის წყაროებს იყენებს ესა თუ ის პლატფორმა. როგორც ზევით ვახსენეთ, ვინ კოდის შემოწმება შესაძლებელია მანქანის სხვადასხვ აიურიდიულ დოკუმენტებში. სწორედ ამ წყაროებს იყენებენ ვინ კოდის შემმოწმებელი საიტები. მაგალითად, ზოგიერთი პლატფორმა 30 000-ზე მეტი წყაროდან იღებს ინფორმაციას ვინ კოდის შესახებ, მათ შორისაა, სადაზღვეო კომპანიები, ავტოსალონები, ავტოაუქციონები, სამართალდამცავი ორგანოები და სხვა.

არსებობს არაერთი საიტი, რომელიც სანდოა ვინ კოდის შესამოწმებლად,. ამ საიტებს შორისაა: Carfax, Clearvin, Autocheck და სხვა.

გასათვალისწინებელია ისიც, რომ, როგორც წესი, VIN კოდის შემოწმება ფასიანია, თუმცა იმისთვის, რომ მყიიდველი არ მოტყუვდეს, ნამდვილად ღირს მცირე თანხის სანაცვლოდ ავტომობილზე სწორი ინფორმაციის მიღება.

დამატებით წაიკითხეთ საინტერესო სტატიები - VIN კოდის მნიშვნელობა და ახსნა | როგორ შევამციროთ საწვავის ხარჯი | ტეხასმოტრი | სკუტერის აქსესუარები | მართვის მოწმობის ბილეთები