როცა ავტომობილს პირველად ვყიდულობ: რეკომენდაციები

პირველი ავტომობილის ყიდვა თითოეული ადამიანის ცხოვრებაში მნიშვნელოვან გადაწყვეტილებად მიიჩნევა. მანქანა ხომ დამოუკიდებლობის, თავისუფლებისა და პრაქტიკულობის სიმბოლოა. თუმცა არჩევანი მარტივი არ არის: მრავალფეროვანი მოდელები, ფასები და ტექნიკური დეტალები საკუთარი თავისთვის შესაფერისის შერჩევის პროცესს ართულებს. ინფორმირებული გადაწყვეტილება თავიდან აგარიდებთ ზედმეტ ხარჯებსა და უსიამოვნებებს. 

ამ ბლოგის მიზნადაც ზუსტად ამას დავისახავთ - გაგიმარტივოთ და საისამოვნოდ ვაქციოთ მანქანის პირველად ყიდვის გამოცდილება. 

ბიუჯეტის განსაზღვრა

მანქანის ყიდვისას მნიშვნელოვანია რეალური ბიუჯეტის განსაზღვრა. ავტომობილის ფასი მხოლოდ ხარჯების ნაწილია — უნდა გაითვალისწინოთ დაზღვევა, გადასახადები, ტექნიკური მომსახურება, შესაძლო რემონტები და საწვავი. განსაკუთრებით, თუ ახალი მძღოლი ხართ, თავიდან აცილებული უნდა იყოს გადაჭარბებული ფინანსური ვალდებულებები. გახსოვდეთ, რომ საბანკო ვალდებულებები, როგორიცაა სესხი ან ლიზინგი, ასევე ხარჯების ნაწილია.

თუ გსურთ, უკეთ გაიგოთ, რომელი გზაა თქვენთვის უკეთესი — ლიზინგი თუ ავტოსესხი — გაეცანით სტატიას აქ.

ყველაზე გონივრულია ისეთი ავტომობილის არჩევა, რომელიც თქვენს ფინანსურ შესაძლებლობებს შეესაბამება და გრძელვადიან პერსპექტივაშიც თქვენზე ფინანსური ზეწოლა არ ექნება.

ახალი თუ მეორეული მანქანა?

ახალი და მეორეული ავტომობილის ყიდვას თავისი დადებითი და უარყოფითი მხარეები აქვს:

ახალი მანქანის უპირატესობები:

• გარანტია და მინიმალური ტექნიკური რისკები;
  
  
• თანამედროვე ტექნოლოგიები და უსაფრთხოების მახასიათებლები;
  
  
• ნაკლები ხარჯი პირველ წლებში.
  

ნაკლოვანებები:

• მაღალი ფასი;
  
  
• ღირებულების სწრაფი კლება.

მეორეული მანქანის უპირატესობები:

• დაბალი საწყისი ღირებულება;
  
  
• მეტი არჩევანი იმავე ბიუჯეტში;
  
  
• ღირებულების შედარებით უმნიშვნელოდ დაწევა.
  

ნაკლოვანებები:

• ტექნიკური გაუმართაობის რისკი;
  
  
• საჭიროებს სრულ შემოწმებასა და სპეციალისტის ჩართულობას.
  

თუ თქვენთვის მნიშვნელოვანია გარანტია და ტექნიკური სიმშვიდე — აირჩიეთ ახალი ავტომობილი. ხოლო თუ ბიუჯეტის დაზოგვა გსურთ და მზად ხართ, შემოწმებას მეტი ყურადღება დაუთმოთ, მეორეული მანქანა კარგი ვარიანტია. დამატებითი რჩევებისთვის, გადახედეთ სტატიას აქ.

რა ტიპის მანქანა მჭირდება?

მანქანის შერჩევისას, იფიქრეთ მისი გამოყენების მიზანზე:

• მხოლოდ ქალაქში მოძრაობისთვის;
  
  
• ოჯახთან ერთად მოგზაურობისთვის;
  
  
• სამუშაოზე წასასვლელად ან ტვირთის გადასატანად.
  

ძირითადი კატეგორიები და მათი უპირატესობები:

• ჰეჩბექი: კომპაქტური, ეკონომიური და იდეალურია ქალაქში;
  
  
• სედანი: კომფორტული და სტაბილური გზაზე;
  
  
• ქროსოვერი/SUV: მაღალი კლირენსი, მეტი სივრცე, კარგია გრძელ გზებზე;
  
  
• მინივენი: შესაფერისია ოჯახისთვის, ბავშვის სავარძლებისთვის.
  

მნიშვნელოვანია, რომ მანქანა თქვენი ცხოვრების სტილს მოერგოს და არ იყოს მხოლოდ ვიზუალზე დაყრდნობილი არჩევანი. დეტალებისთვის იხილეთ სტატია.

მნიშვნელოვანი ტექნიკური მახასიათებლები

ავტომობილის არჩევისას ყურადღება მიაქციეთ შემდეგ მახასიათებლებს:

• ძრავის ტიპი და მოცულობა;
  
  
• საწვავის ხარჯი;
  
  
• ტრანსმისია — ავტომატური თუ მექანიკური;
  
  
• უსაფრთხოება — ბალიშები, ABS, სტაბილურობის სისტემა;
  
  
• კომფორტი — კონდიციონერი, მულტიმედია სისტემა.
  

ეს მახასიათებლები პირდაპირ ზემოქმედებს როგორც ავტომობილის მოხმარების სიმარტივეზე, ისე ყოველდღიურ ხარჯებზე. მაგალითად, ეკონომიური ძრავი დაგიზოგავთ საწვავს, ხოლო ავტომატური გადაცემათა კოლოფი მარტივია ახალბედა მძღოლისთვის. დეტალურად ამ თემაზე წაიკითხეთ აქ.

შემოწმება: ტესტირება, ინსპექტირება

მანქანის ყიდვამდე აუცილებელია მისი საფუძვლიანი შემოწმება და ტესტირება.

ტესტდრაივისას ყურადღება მიაქციეთ:

• ძრავის ხმასა და აჩქარებას;
  
  
• დამუხრუჭებასა და პედლების რეაქციას;
  
  
• სავალი ნაწილის გამართულობას.
  

ვიზუალური ინსპექცია მოიცავს:

• ძარის მდგომარეობა (დარტყმების კვალი);
  
  
• ძრავის ხმები და გაჟონვის ნიშნები;
  
  
• სალონის სისუფთავე და მთლიანობა;
  
  
• საბურავების ცვეთა.
  

თუ მეორეულ ავტომობილს ყიდულობთ, რეკომენდებულია სპეციალისტის ჩართვა, რათა ტექნიკურ გამართულობაში  დარწმუნდეთ. ასევე გაეცანით VIN კოდის მნიშვნელობას და შეამოწმეთ ისტორია ამ ბმულზე.

დოკუმენტაცია და ლეგალური ასპექტები

ყიდვისას აუცილებელია შემდეგი დოკუმენტაციის არსებობა:

• მანქანის პასპორტი (ტექ. პასპორტი);
  
  
• მომსახურების ისტორია (სერვის ბუკლეტი);
  
  
• საკუთრების დამადასტურებელი დოკუმენტი.
  

გარდა ამისა, მნიშვნელოვანია, დარწმუნდეთ, რომ მანქანა არ არის გირავნობაში და არ ყოფილა სერიოზულ ავარიაში. ოფიციალური ხელშეკრულების გაფორმება აუცილებელია, რათა მომავალში სამართლებრივი პრობლემა არ შეგექმნათ.

დასკვნა

პირველი ავტომობილის არჩევა სერიოზული და მნიშვნელოვანი გადაწყვეტილებაა. სწორად შერჩეული მანქანა გაგიადვილებთ გადაადგილებას, დაგიზოგავთ ხარჯებს და ასე, თქვენი საიმედო მეგზური  გახდება.

თუ გსურთ მარტივად შეარჩიოთ ავტომობილი და მოქნილი პირობებით, დაფინანსება მარტივად მიიღოთ, ისარგებლეთ Mogo-ლიზინგის სერვისით. ლიზინგი გაძლევთ შესაძლებლობას, სასურველი მანქანით, წინასწარი გადახდის გარეშე ისარგებლოთ.