ძრავის გამაფრთხილებელი შუქი: ანთების მიზეზები

„Check Engine“ — იგივე მრავალფუნქციური სიგნალი — ავტომობილის კომპიუტერული სისტემის გაფრთხილებაა, რომელიც მიგვანიშნებს, რომ ძრავასა ან მასთან დაკავშირებულ სისტემებთან რაღაც დარღვევაა.

როდესაც მანქანის მონაცემთა დაფაზე ეს სიგნალი აინთება, შესაძლოა, საქმე გვქონდეს როგორც მარტივ, ასევე სერიოზულ პრობლემასთან. ასე რომ, დაუყოვნებლივ შეკეთება ან დიაგნოსტიკა აუცილებელია.

ამ ბლოგში განვიხილავთ, რას ნიშნავს “Check Engine“-ის ანთება, რა მიზეზები შეიძლება, მის მიღმა იმალებოდეს და როგორ უნდა მოიქცეთ ასეთ შემთხვევაში.

როგორ მოვიქცე, როცა ძრავის გამაფრთხილებელი შუქი ინთება?

თუ თქვენს ავტომობილზე „Check Engine“ აინთო:

• შეინარჩუნეთ სიმშვიდე — უმეტეს შემთხვევაში, ეს არ მოითხოვს მანქანის მყისიერ გაჩერებას;
• დააკვირდით მანქანის მუშაობას — ამჩნევთ, თუ არა უცნაურ ხმებს, ძრავის წყვეტას ან გადაცემების პრობლემას.
• შეამოწმეთ ძირითადი პარამეტრები — ზეთის დონე, ძრავის ტემპერატურა და საწვავის რაოდენობა;
• გამოიყენეთ დიაგნოსტიკის ხელსაწყო ან მიმართეთ სპეციალისტს — რაც შეიძლება სწრაფად.
  
  

სინათლის ფერი და ხასიათი:
„Check Engine“-ის ინდიკატორი ჩვეულებრივ არის ყვითელი ან ნარინჯისფერი. თუმცა, თუ სიგნალი ციმციმებს, ეს სერიოზულ პრობლემაზე მიუთითებს, როგორიცაა კატალიზატორის გადახურება.

არ აურიოთ სხვა სიგნალებში:
ზოგჯერ მძღოლები „სერვისის“ სიგნალს (Service Required) ურევენ „Check Engine“-ისაში. სერვისის სიგნალი, როგორც წესი, გეგმურ მომსახურებაზე მიგვანიშნებს, ხოლო Check Engine — მექანიკურ ან ელექტრონულ გაუმართაობაზე.

შეგიძლიათ, სიგნალი სკანერის მეშვეობით ჩააქროთ, მაგრამ გახსოვდეთ: პრობლემის დაუდგენლად მხოლოდ სიგნალის ჩაქრობა საბოლოო გამოსავალი არ არის — ის მალევე ისევ აინთება.

რა იწვევს ძრავის გამაფრთხილებელი შუქის ანთებას

რას შეიძლებაა,  „Check Engine“-ის სიგნალი გვატყობინებდეს?

ყველაზე გავრცელებული მიზეზებია:

• ანთების სისტემა:
  ანთების გაცვეთილი სანთლები.
• საწვავის სისტემა:
  დაზიანებული საწვავის ტუმბო, დაბინძურებული ინჟექტორები, უხარისხო  საწვავი.
• სენსორების პრობლემები:
  ჟანგბადის სენსორის (O2) ან მასური საჰაერო ნაკადის სენსორის (MAF) გაუმართაობა.
• გამონაბოლქვის სისტემა:
  კატალიზატორის დაზიანება, გამონაბოლქვის სისტემის გაჟონვა.
• სხვა მიზეზები:
  ძრავის ელექტრონული ბლოკის (ECU) პროგრამული შეცდომები, გადატვირთული ბატარეა.

შენიშვნა:
ხანდახან სიგნალი შეიძლება, უბრალოდ, დროებითი მიზეზით გამოწვეული იყოს, მაგალითად, ტენიანობის მატებით — ასეთ შემთხვევებში, შუქი თავისით ქრება.

დიაგნოსტიკა

დღესდღეობით, ყველა ავტომობილი აღჭურვილია OBD-II (On-Board Diagnostics) სისტემით, რომელიც სტანდარტიზებულ კოდებს იყენებს პრობლემების აღსანიშნავად. დიაგნოსტიკური კონექტორი საჭის სვეტის ქვეშ არის განთავსებული.

პრობლემის დადგენის მეთოდები:

• OBD-II სკანერის გამოყენება: ხელსაწყო უკავშირდება ავტომობილის სისტემას და წაიკითხავს შეცდომის კოდებს.
• მონაცემების გადამოწმება: სავარაუდო მიზეზების თანმიმდევრობით გამორიცხვა.
• სერვისცენტრის სპეციალისტის კონსულტაცია: პროფესიონალური დიაგნოსტიკა რთული შემთხვევებისთვის.

თანამედროვე OBD-II სკანერები ხელმისაწვდომია და მათი გამოყენება არც ისე რთულია. თუმცა ისიც მართალია, რომ კოდი ყოველთვის ზუსტი არ არის.

პრევენცია

ძრავის გამაფრთხილებელი შუქის თავიდან ასაცილებლად რეკომენდებულია:

• რეგულარული ტექნიკური მომსახურება: ზეთის, ფილტრებისა და სითხეების დროული შეცვლა;
• ხარისხიანი საწვავისა და ზეთის გამოყენება;
• ანთების სანთლების, ფილტრებისა და სენსორების დროული შეცვლა;
• საწვავის სისტემის პერიოდული გაწმენდა;
• ელექტრული სისტემების მონიტორინგი: ბატარეისა და გენერატორის მდგომარეობის კონტროლი.

სიგნალის უგულებელყოფა დაუშვებელია! უყურადღებობა ხშირად უფრო სერიოზულ და ძვირადღირებულ პრობლემებამდე მიდის.

ტექნიკური დათვალიერება კარგი საშუალებაა იმისთვის, რომ ავტომობილის მდგომარეობას ყურადღება მიაქციოთ და პრობლემა საწყის ეტაპზევე, დროულად აღმოფხვრათ. 

დასკვნა

„Check Engine“ სიგნალი სერიოზულად უნდა მიიღოთ. დროული რეაგირება ხელს უშლის სერიოზულ დაზიანებებს და უზრუნველყოფს ავტომობილის ხანგრძლივ და უსაფრთხო მუშაობას. არ გადადოთ დიაგნოსტიკა — ეს დაზოგავს როგორც თქვენს დროს, ასევე ფინანსებს! 

თუ მანქანა, ჯერ კიდევ, არ გყავთ, ძრავის გამაფრთხილებელი შუქის ანთება თქვენთვის აქტუალური არ იქნება, განსხვავებით მოგოს სიგნალისგან, რომელიც ავტოლიზინგის სწრაფ და მოქნილ სერვისზე გატყობინებთ და რომლის ფარგლებშიც, შესაძლებელია 100,000 ლარამდე დაფინანსების მიღება, 84 თვემდე (7 წლამდე) ვადით. ონლაინ განაცხადი სწრაფად მუშავდება, რაც ნიშნავს, რომ მომხმარებელი ავტომობილს უმოკლეს დროში იღებს. ლიზინგის პირობები მოიცავს ავტომობილის მაქსიმალური საბაზრო ღირებულებით შეფასებას... დეტალური ინფორმაციისთვის ეწვიეთ ვებგვერდს.